KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Hykmete Bajrami jep dorëheqje nga pozita e nënkryetares së LDK-së

Hykmete Bajrami jep dorëheqje nga pozita e nënkryetares së LDK-së

Hykmete Bajrami ka dhënë dorëheqje të parevokueshme nga pozita e nënkryetares së Lidhjes Demokratike të Kosovës (LDK) dhe njëkohësisht ka kërkuar dorëheqjen e kryetarit të partisë, Lumir Abdixhiku.

Kështu mëson Telegrafi brenda LDK-së.

Mediumi ka provuar të marrë një reagim nga LDK apo nga vetë Bajrami, por deri në momentin e publikimit të lajmit nuk ka marrë përgjigje.

Në zgjedhjet e fundit, LDK-ja ka siguruar vetëm 13.23 për qind të votave, pesë pikë përqindjeje më pak se në zgjedhjet e shkurtit 2025. Në legjislaturën e dhjetë, partia do të përfaqësohet me 15 deputetë, pesë më pak se në legjislaturën paraprake.

Nga kandidatët e LDK-së, Bajrami u rendit e dyta me 57 mijë vota.

Ndërkohë, kryetari i LDK-së, Lumir Abdixhiku, ka bërë të ditur se do të ofrojë dorëheqjen e tij në Kuvendin e partisë, i cili pritet të mbahet së shpejti. Vendimi për pranimin ose jo të dorëheqjes do të merret përmes votës së delegatëve.

Abdixhiku deklaroi pas një mbledhjeje disaorëshe me bashkëpunëtorët e tij në selinë qendrore të LDK-së se ofrimi i dorëheqjes është pjesë e një procesi demokratik dhe se Kuvendi i LDK-së është organi i vetëm që ka kompetencë për vendimin për këtë çështje.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.