Nënkryetari i LDK-së, Lutfi Haziri ka thumbuar Vetëvendosjen për parullat e dikurshme “Zajednica nuk kalon”.
Haziri ka thënë se për këtë proces janë vonuar, pasi sipas ti tash është koha merre ose lëre.
“Po vonohemi në këtë proces, po vjen koha mere ose leje. Në kohën kur bëheshin statuse Zajednica nuk kalon, kemi rrëshqitë në vonesa të mëdha. Situata është kështu, ndërkombëtarët s’po na falënderojnë më për pjesëmarrje në dialog. Situata është mere ose leje. Kompromisin e kanë bërë fjalë të ndytë. Nuk është ashtu, duhet bërë kompromise.” – ka thënë Haziri në T7.
Ai tutje ka thënë se palët pritet ta marrin dokumentin në takimin e 18 marsit në Ohër.
“Palët pritet ta marrin dokumentin. Kush e lë në tavolinë… parimisht Serbia di me u tërheqë, edhe në Rambuje. Qëndrimi i LDK-së është që duhet të kalohen të gjitha marrëveshjet. Parimi i ambiguitetit konstruktiv është kthyer në tavolinë edhe pse e patëm hequr me shumë mund. Evropianët kanë dëshirë me kriju këso situata.” – ka thënë Haziri.