Deputeti më i zëshëm i pro tërheqjes së mjeteve nga Trusti Pensional, Bekim Haxhiu, ka folur rreth kësaj çështje.
Deputeti i PDK-së ka thënë në T7 se kushdo prej deputetëve që del në kundër tërheqjes së mjeteve nga Trusti, atëherë kanë dalë kundër kërkesës së qytetarëve.
“Kësaj radhe mendojnë që punën më të madhe e kanë bërë qytetarët. Qytetarët u vetorganizuan dhe brenda 8 ditëve kanë mbledhur mbi 21 mijë nënshkrime. Kushdo që në parlament del kundër Trustit, është kundër kërkesës së qytetarëve, veçanërisht në këtë kohë të krizës së madhe. Për me keq, qytetarët janë detyruar të futen në borxhe për të kaluar krizën ekonomike.” – tha ai në T7.
Haxhiu tha se qytetarët janë detyruar të futen në borxhe për të kaluar krizën ekonomike.
Të enjten e 19 janarit, në Kuvendin e Kosovës vendoset nëse qytetarëve do t’u mundësohet tërheqja e deri në 30 për qind e mjeteve financiare nga Trusti Pensional.