KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Hamza dhe Çitaku përfundojnë takimin me Kurtin në Qeveri

Hamza dhe Çitaku përfundojnë takimin me Kurtin në Qeveri

Ish-kryetari i PDK-së, Bedri Hamza, dhe ushtruesja e detyrës së kryetares së kësaj partie, Vlora Çitaku, kanë përfunduar takimin me kryeministrin e Kosovës, Albin Kurti, në objektin e Qeverisë.

Hamza dhe Çitaku ishin parë duke hyrë në objektin e Qeverisë gjatë ditës së sotme, ndërsa takimi nuk ishte paralajmëruar paraprakisht.

Takimi vjen në një kohë kur Kuvendi i Kosovës pritet të shqyrtojë sërish Ligjin për Dhomat e Specializuara dhe Zyrën e Prokurorit të Specializuar, i cili ishte kthyer për rishqyrtim nga presidentja Justina Shiroka-Pula.

PDK-ja ka kërkuar që ligji të rikthehet në Kuvend, ndërsa Çitaku ka deklaruar më herët se qëllimi i kësaj nisme nuk është shuarja e Gjykatës Speciale, por ndryshimi i asaj që, sipas saj, është devijim nga mandati fillestar i saj.

Deri më tani nuk ka informacione zyrtare lidhur me atë se çfarë është diskutuar në takimin ndërmjet Kurtit, Hamzës dhe Çitakut, apo nëse janë arritur pajtime konkrete lidhur me këtë çështje.

Ndërkohë, Ligji për Specialen pritet të jetë një nga çështjet kryesore të diskutimit në seancën e sotme plenare të Kuvendit të Kosovës. /Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.