Achraf Hakimi ka përjetuar një mbrëmje të jashtëzakonshme në fanellën e Paris Saint-Germainit.
Mbrojtësi maroken ishte protagonisti absolut në fitoren 5-1 ndaj Le Havre, duke realizuar tri gola dhe duke dhuruar dy asistime, pra duke marrë pjesë drejtpërdrejt në të pesë golat e skuadrës parisiene.
Le Havre kaloi fillimisht në epërsi, por Hakimi nisi spektaklin duke asistuar për barazimin e Mika Godts në minutën e 26-të.
Vetëm dy minuta më vonë, ai shënoi golin e përmbysjes, ndërsa në pjesën e dytë realizoi edhe dy herë të tjera, përfshirë një gol të bukur nga goditja e dënimit.
Ndërkohë, asistoi edhe për golin e Senny Mayulu. Kjo ishte hera e parë në karrierën e tij që Hakimi realizon het-trik.
Për më tepër, ai u vlerësua me notën perfekte 10 nga Sofascore, duke e konfirmuar një paraqitje të rrallë për një futbollist që luan në pozitën e mbrojtësit të djathtë. /Zëri