Sipas astrologjisë, energjia, misteri dhe mënyra si dinë të duan i bëjnë këto gra të mbeten gjatë në mendjen e ish-partnerëve
Disa njerëz mbeten gjatë në kujtesë, jo vetëm për shkak të bukurisë apo një historie dashurie, por për shkak të emocioneve të forta që lënë pas. Sipas astrologjisë, gratë e lindura në disa shenja të horoskopit kanë një ndikim të veçantë te partnerët e tyre dhe shpesh mbahen mend për vite me radhë.
Secili prej nesh, të paktën një herë, ka takuar një person që duket pothuajse i pamundur të fshihet nga kujtesa. Kalojnë muaj e vite, nisin lidhje të reja, ndryshojnë qytete dhe rrethana jetësore, por kujtimet kthehen sërish.
Ndonjëherë nuk është fjala për pamjen fizike apo për një romancë të jashtëzakonshme, por për ndjesinë e thellë që ajo marrëdhënie ka lënë pas. Astrologët thonë se te disa shenja kjo energji është më e theksuar.
Gratë e lindura në këto shenja, sipas horoskopit, lënë gjurmë të forta dhe nuk harrohen lehtë.
Akrepi
Gratë e lindura në shenjën e Akrepit rrallë kalojnë pa u vënë re në jetën e dikujt. Ato dinë të krijojnë lidhje të fuqishme emocionale dhe shpesh lënë përshtypjen e një personi që nuk mund të lexohet deri në fund.
Tipari i tyre më i theksuar është thellësia e ndjenjave. Edhe kur nga jashtë duken të qeta dhe të rezervuara, brenda tyre shpesh fshihet një botë e tërë emocionesh.
Pikërisht kjo mistershmëri mund t’i tërheqë meshkujt. Pas ndarjes, shpesh mbetet ndjesia se nuk kanë arritur ta njohin plotësisht një grua të tillë. Akrepat nuk i durojnë marrëdhëniet sipërfaqësore dhe zakonisht lënë pas një përshtypje të fortë, e cila mund të rikthehet në kujtesë edhe pas shumë vitesh, transmeton Telegrafi.
Luani
Gratë e lindura në shenjën e Luanit kanë një aftësi të veçantë për ta bërë jetën pranë tyre më të gjallë dhe më të ndritshme. Me to është e vështirë të ndihesh i zakonshëm, sepse dinë të frymëzojnë, të japin mbështetje dhe të krijojnë ndjesinë e një feste edhe në një ditë krejt të zakonshme.
Luaneshat shpesh bëhen qendra e vëmendjes, jo domosdoshmërisht sepse e kërkojnë këtë, por për shkak të karizmës së tyre natyrale.
Ato dinë të duan fort, bukur dhe me zemër të hapur. Pas përfundimit të një lidhjeje, shumë meshkuj mund të ndiejnë mungesën e energjisë dhe emocioneve që i kanë përjetuar vetëm pranë tyre.
Me kalimin e kohës, detajet e romancës mund të zbehen, por ndjenja e admirimit shpesh mbetet gjatë.
Peshqit
Gratë e lindura në shenjën e Peshqve kanë një aftësi të veçantë për t’i kuptuar ndjenjat e të tjerëve edhe pa shumë fjalë. Ato krijojnë lehtë ndjesinë e afërsisë shpirtërore, një lidhje që nuk haset shpesh në marrëdhëniet moderne.
Pranë tyre, shumë meshkuj mund të ndihen për herë të parë vërtet të dëgjuar, të pranuar dhe të kuptuar ashtu siç janë. Për këtë arsye, gratë Peshq shpesh nuk mbahen mend vetëm si partnere romantike, por edhe si mike të mira, mbështetje e sigurt dhe burim frymëzimi.
Pas një ndarjeje, pikërisht ndjesia e qetësisë së brendshme dhe e mirëkuptimit është ajo që harrohet më vështirë. Edhe kur një dashuri ka përfunduar prej kohësh, kujtimi i një personi që të ka kuptuar pa pasur nevojë për shumë shpjegime mund të mbetet gjatë. /Telegrafi/