Anthony Gordon pret një El Clásico të fortë dhe të baraspeshuar, duke vlerësuar se Barcelona nuk është favorite e qartë ndaj Real Madridit.
“Favoritët nuk kanë shumë rëndësi në ndeshje të tilla. Gjithçka mund të ndodhë, sepse niveli është shumë i lartë. Nuk mendoj se jemi favoritë, pasi të dyja skuadrat janë të barabarta”, deklaroi sulmuesi anglez.
Gordon foli edhe për paraqitjen e tij ndaj Paris Saint-Germainit, duke pranuar se nuk ishte në nivelin e duhur.
“Ndeshja ndaj PSG-së ishte një rast kur mund të kisha dhënë më shumë. Nëse dua të bëhem lojtari që synoj, duhet të paraqitem në nivelin më të lartë në ndeshjet e mëdha”, tha ai.
Futbollisti i Barcelonës e vlerësoi me notën 7.5 nga 10 fillimin e tij te katalanasit, por theksoi se ka ende shumë për të përmirësuar. /Zëri