Charles McGonigal është arrestuar pasi akuzohet se ka marrë para nga një ish-zyrtar i inteligjencës shqiptare dhe një përfaqësues i një oligarku rus.
Ish-kreu i kundërzbulimit të FBI-së në Nju Jork po akuzohet se mund të ketë punuar me një oligark rus të sanksionuar nga SHBA pasi doli në pension, dhe fshehu qindra mijëra dollarë që mori nga një ish-punonjës i një agjencie të inteligjencës shqiptare, ndërsa ishte zyrtar i lartë në byro, raporton CNN.
Kurse, kryeminsitri i Shqipërisë Edi Rama u akuzua drejtpërdrejtë nga Kreu i Partisë Demokratike Sali Berisha, ndërsa kreu i Grupit Parlamentar të PD-së, Enkelejd Alibeaj ka kërkuar hetim të thelluar të kësaj çështjeje.
Për këtë ka reaguar aktivsti i Shoqërisë Civile, Rron Gjinovci, i cili ka ironizuar me Ramën duke thënë se “krimi në Shqipëri është tjetër nivel, klasa politike atje, ta korrupton Amerikën, imagjinoni çka kanë bo brenda Shqipërisë”.
Postimi në Facebook:
Edi Rama i përfshimë në korruptimin e zyrtarëve të FBI në Amerikë🤦♂️
Krimi në Shqipni osht tjetër nivel, klasa politike atje, ta korrupton Amerikën, imagjinoni çka kanë bo mrena Shqipnisë 🙈
Shqipnia ka nevojë për çlirim nga bandat përmes ni force të re politike.