Një grua 76-vjeçare u gjet e vdekur këtë mëngjes në shtëpinë e saj në rrugën “Gjurçin Kokale” në lagjen Gjorce Petrov të Shkupit.
“Viktimën e gjeti vajza e saj, ndërsa një mjek nga Ndihma e Shpejtë përcaktoi se ajo kishte vdekur me shenja të dukshme dhune”, njoftoi Ministria e Punëve të Brendshme (MPB).
Rasti u raportua në polici në orën 9:18 të mëngjesit. Në vendngjarje u krye inspektim dhe prokurori publik u njoftua për incidentin.
Pas udhëzimeve të prokurorit, trupi i viktimës u dërgua për autopsi për të përcaktuar shkakun e vdekjes.
Departamenti i Punëve të Brendshme i Shkupit po merr masa për të sqaruar rastin.
Burimi: telegrafi.com ↗