Një veturë me gjashtë persona që deklaruan se janë shtetas të Bangladeshit është lokalizuar nga Policia në fshatin Dobresh të Vitisë, ndërsa ata nuk kishin dokumente identifikimi me vete.
Sipas raportit 24-orësh të Policisë së Kosovës, rasti ka ndodhur më 17 tetor, rreth orës 21:55, raporton lajmi.net.
Gjatë kontrollit dhe identifikimit, Policia ka identifikuar shoferin e veturës, shtetas kosovar, si dhe gjashtë personat e tjerë, të cilët kanë deklaruar se janë shtetas të Bangladeshit.
Sipas raportit, shoferi ka deklaruar se personat e huaj i kishte sjellë në Kosovë nga Maqedonia e Veriut përmes rrugëve ilegale.
“Pas intervistimit, i dyshuari së bashku me veturën janë liruar, ndërsa personat me shtetësi të huaj janë trajtuar nga njësitë përkatëse, të cilëve u është lëshuar edhe vërtetimi i akomodimit të tyre në përputhje me ligjin”, thuhet në raportin e Policisë. /Lajmi.net/
Burimi: lajmi.net ↗