Mesfushori i Barcelonës, Gavi, i ka dërguar një mesazh mbështetjeje Khvicha Kvaratskhelias, pas dëmtimit të rëndë që pësoi ylli i Paris Saint-Germainit.
Sulmuesi gjeorgjian pësoi këputje të ligamentit të kryqëzuar të përparmë të gjurit, dëmtim që pritet ta mbajë për një kohë të gjatë jashtë fushave.
Në një intervistë për DAZN, Gavi shprehu admirimin për futbollistin e PSG-së dhe besimin se ai do të rikthehet në nivelin e tij më të mirë.
“Jam një tifoz i madh i Kvaratskhelias dhe gjithmonë më ka pëlqyer ta shikoj duke luajtur. I dërgoj gjithë mbështetjen time pas këtij dëmtimi. Nuk është e lehtë, por jam i sigurt se do të rikthehet më i fortë”, deklaroi Gavi.
Mesfushori spanjoll foli edhe për garën për “Topin e Artë”, duke vlerësuar se Kvaratskhelia e meriton të jetë mes pesë futbollistëve më të mirë në botë.
“Do të isha shumë i lumtur nëse ai do të përfundonte në pesëshen e parë të ‘Topit të Artë’. Ai e meriton, sepse ka zhvilluar një sezon të shkëlqyer”, përfundoi futbollisti i Barcelonës. /Zëri