GameStop është ofruar të blejë gjigantin e tregtisë online eBay për 55.5 miliardë dollarë (rreth 48 miliardë euro), një bashkim që shefi i shitësit me pakicë të videolojërave beson se mund të krijojë një “konkurrent të ligjshëm” për Amazon.
Oferta vjen në mes të një lloj ringjalljeje në eBay, e cila është përpjekur të ”rishpikë veten” përballë konkurrencës në rritje nga kompani si Walmart, Amazon, Shein dhe Facebook Marketplace.
GameStop ka ofruar 125 dollarë për aksion për eBay, gjysma në para të gatshme dhe gjysma në aksione, njoftoi kompania të dielën.
Kjo përfaqëson një premium prej 46% ndaj çmimit të mbylljes së aksioneve të eBay më 4 shkurt, ditën kur GameStop filloi të ndërtonte një pjesëmarrje prej 5% në kompani.
Kjo po vlerësohet si një ofertë e guximshme, që synon një biznes gati katër herë më të madh se ai.
Deri të premten, GameStop vlente 11.9 miliardë dollarë, ndërsa eBay vlerësohej në 46.2 miliardë dollarë, sipas të dhënave të FactSet.
Aksionet e eBay u rritën me 9% në tregtimin para tregut, ndërsa aksionet e GameStop treguan për një hapje ndjeshëm më të dobët pasi fituan 6.3% të premten. /Telegrafi/