KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Fushë Kosova po vlon nga mbeturinat, Prebreza thotë se katër kamionë janë në funksion

Fushë Kosova po vlon nga mbeturinat, Prebreza thotë se katër kamionë janë në funksion

Kryetari i Komunës së Fushë Kosovës, Valon Prebreza, ka bërë të ditur se në qytet ka nisur një proces i intensifikuar për largimin e mbeturinave, si pjesë e masave për përmirësimin e gjendjes së pastërtisë publike.

Përmes një postimi në Facebook, Prebreza theksoi se nga sot në terren do të jenë të angazhuar katër kamionë në baza ditore për grumbullimin dhe transportimin e mbeturinave në të gjithë qytetin.

“Fushë Kosova po pastrohet. Nga sot, 4 kamionë çdo ditë në terren për largimin e mbeturinave në qytetin e Fushë Kosovës”, ka shkruar Prebreza.

Ai shtoi se pas ndërhyrjeve emergjente të ndërmarra nga komuna, procesi i menaxhimit të mbeturinave po shkon drejt fazës përfundimtare të zgjidhjes së problemit.

“Pas masave emergjente të ndërmarra, procesi i largimit të mbeturinave po hyn në fazën përfundimtare të zgjidhjes”, ka theksuar ai.

Në fund të reagimit të tij, kryetari i komunës ka falënderuar qytetarët për bashkëpunimin dhe mirëkuptimin e treguar gjatë kësaj periudhe. /Telegrafi/


Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.