KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

FSK-ja zhvillon qitje me mortaja 120 mm në Bizë të Shqipërisë

FSK-ja zhvillon qitje me mortaja 120 mm në Bizë të Shqipërisë

FSK ka zhvilluar aktivitet me mortaja 120 mm në kuadër të bashkëpunimit ushtarak mes Kosovës dhe Shqipërisë

Bateritë e Regjimentit të Mbështetjes Luftarake të Forcës së Sigurisë së Kosovës (FSK) kanë zhvilluar qitje me municion luftarak në poligonin e Bizës, në Shqipëri.

Sipas njoftimit të FSK-së në Facebook, gjatë stërvitjes u përdorën mortaja të kalibrit 120 milimetra të sistemit Vuran.

Stërvitjen e ndoqi nga afër komandanti i Komandës së Forcave Tokësore, gjeneralbrigade Mehmet Lladrovci, i shoqëruar nga stafi i tij dhe atasheu ushtarak i FSK-së në Shqipëri. Të pranishëm ishin edhe përfaqësues të Forcave Tokësore të Shqipërisë.

Sipas FSK-së, vizita kishte për qëllim të vlerësonte planifikimin dhe zhvillimin e qitjes me zjarr indirekt. FSK-ja vlerësoi profesionalizmin e pjesëtarëve të regjimentit dhe respektimin e procedurave të sigurisë gjatë stërvitjes.

Lladrovci ka falënderuar përfaqësuesin e Forcave të Armatosura të Shqipërisë për mbështetjen e vazhdueshme dhe pjesëtarët e regjimentit për angazhimin në zhvillimin e kapaciteteve operacionale të njësisë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.