Dirk Kuyt u largua nga Fenerbahce, një javë pasi udhëhoqi ekipin drejt një fitoreje 3-2 ndaj ish-klubit të tij, Liverpool, në Ligën e Kampionëve si trajner i përkohshëm.
Ish-sulmuesi i kombëtares holandeze ishte në krye të ekipit, megjithëse klubi kishte arritur tashmë një marrëveshje që Emre Belozoglu të merrte përsipër drejtimin e tij.
Kuyt u rikthye te Fenerbahce në korrik për të qenë asistent i trajnerit Ismail Kartal, i cili dha dorëheqjen muajin e kaluar.
“Ju falënderojmë me gjithë zemër për gjithçka që keni dhënë për këto ngjyra. Sot ju themi lamtumirë, por vendi juaj në këtë familje të madhe mbetet i pandryshuar”, shkroi Fenerbahce në rrjetet sociale, duke njoftuar largimin e Kuyt.
/GazetaBlic Sport

