KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

“Fantazma e Prishtinës” e krijuar me AI bëhet virale në rrjetet sociale, krijon konfuzion te qytetarët

“Fantazma e Prishtinës” e krijuar me AI bëhet virale në rrjetet sociale, krijon konfuzion te qytetarët

Gjatë ditëve të fundit, rrjetet sociale janë pushtuar nga një personazh i pazakontë i krijuar me inteligjencë artificiale (AI), i cili është pagëzuar nga përdoruesit me emrin “Fantazma e Prishtinës”.

Ky personazh virtual është shfaqur me një maskë të bardhë në fytyrë dhe me këmbë dhie, duke ngjallur kureshtje, humor dhe reagime të shumta në publik.

Falë teknologjisë AI, “Fantazma” po paraqitet në mënyra kreative dhe shpesh qesharake, duke u “vendosur” virtualisht në komuna të ndryshme të vendit.

Qytetarë të shumtë, por edhe figura të njohura publike, kanë filluar të krijojnë postime humoristike, meme dhe montazhe, ku ky personazh shfaqet në ambiente të ndryshme, duke e bërë trend në rrjete sociale.

Një nga reagimet që ka marrë vëmendje është ai i aktorit të njohur Fatmir Spahiu.

Përmes një “story” në Facebook, mbi një fotografi ku shfaqej “Fantazma”, Spahiu ka reaguar me humor duke shkruar: “Edhe qeky na u desht”.

Edhe autori i emisionit “Debat Plus”, Ermal Panduri përmes një postimi ka shkruar: “Sonte ne Debat Plus zbardhet misteri”.

Ndërsa, gazetarja Ardiana Thaçi me humor thotë se ka zhvilluar një intervistë ekskluzive.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.