KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Fantastike: Valmir Matoshi e lë Zvicrën, zgjedh përfundimisht Kosovën në nivelin ndërkombëtar

Fantastike: Valmir Matoshi e lë Zvicrën, zgjedh përfundimisht Kosovën në nivelin ndërkombëtar

Mesfushori i Thunit Valmir Matoshi ka ndjekur hapat e Leon Avdullahut dhe Albian Hajdarit për ta përfaqësuar Kosovën në nivelin ndërkombëtar.

Pasi fitoi titullin në Zvicër, Matoshi që deri vonë përfaqësoi Zvicrën U21, zyrtarisht ka pranuar ftesën e Kosovës, për dy miqësoret e muajit qershor.

Në listën e publikuar të Franco Fodas për dy ndeshjet e qershorit, është edhe Matoshi, së bashku me risitë si Dardan Shabanhaxhaj, i cili e la Austrinë dhe Rilind Nivokazi që u ftua për herë të parë.

Kush është Valmir Matoshi?

22-vjeçari fitoi vëmendjen e të gjithëve në Superligën e Zvicrës këtë sezon duke zhvilluar plot 34 paraqitje, për të kontribuar me gjashtë gola e katër asistime.

Ai luan në pozitën e qendërmesfushorit, por përshtatet edhe në mesfushor mbrojtës, ndërsa falë paraqitjeve ka fituar vëmendjen e dy klubeve të mëdha në Serie A, si Genoa e Lecce.

Matoshi pritet të largohet nga Thun qysh këtë afat kalimtar veror, kurse vlera aktuale në “Transfermarkt” është 1.2 milionë euro./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.