Mbrojtësi i Kombëtares së Shqipërisë, Elseid Hysaj, është përfolur për një transferim të mundshëm te gjiganti anglez Manchester United.
Sipas raportimeve që qarkullojnë, drejtori i futbollit te “Djajtë e Kuq”, Jason Wilcox, e sheh 32-vjeçarin shqiptar si një alternativë për të përforcuar të dy krahët e mbrojtjes.
Po ashtu, pretendohet se trajneri Mauricio Pochettino ka dhënë miratimin për afrimin e Hysajt, duke i hapur rrugë një marrëveshjeje të mundshme.
Përvoja e mbrojtësit shqiptar në futbollin italian dhe paraqitjet e tij me Kombëtaren përmenden si faktorë që mund ta bëjnë atë një alternativë interesante për klubin anglez.
Megjithatë, deri më tani nuk ka një konfirmim zyrtar nga Manchester United apo burime të besueshme angleze për negociata konkrete mes palëve.
Mbetet të shihet nëse këto zëra do të konkretizohen në një transferim gjatë afatit të ardhshëm kalimtar.

