Elizabeth Hurley ka nxitur spekulimet për një fejesë të mundshme me këngëtarin Billy Ray Cyrus, pasi u shfaq me një unazë të madhe diamanti në dorën e majtë në një postim në Instagram.
Aktorja 61-vjeçare publikoi disa fotografi nga prapaskenat e serialit The ‘Burbs, ku po merr pjesë në xhirime.
Në njërën prej tyre, ajo pozoi me një rrobë banjoje, ndërsa unaza e saj tërhoqi vëmendjen e ndjekësve, shkruan DailyMail.
Sipas raportimeve të Page Six, burime pranë çiftit pretendojnë se këngëtari 65-vjeçar i muzikës country i ka propozuar martesë Hurley-t, pas më shumë se një viti lidhjeje. Megjithatë, asnjëri prej tyre nuk e ka konfirmuar zyrtarisht lajmin.
Dyshimet u shtuan edhe pasi Cyrus publikoi një postim në rrjetet sociale të shoqëruar me një emoji unaze.
Çifti e bëri publike romancën në Pashkët e vitit 2025, pasi ishte njohur gjatë xhirimeve të filmit Christmas in Paradise, në vitin 2022.
Që prej atëherë, ata kanë ndarë herë pas here momente nga marrëdhënia e tyre me ndjekësit.
Hurley ka qenë e martuar më parë me biznesmenin Arun Nayar. Ata u martuan në vitin 2007, u ndanë në vitin 2010 dhe divorci u finalizua një vit më vonë.
Për momentin, mbetet e paqartë nëse unaza e re shënon vërtet një hap drejt martesës me Billy Ray Cyrus. /Telegrafi/
