Dua Lipa ka ndarë me ndjekësit disa nga momentet më të bukura të pushimeve të saj në Formentera, ku ka kaluar disa ditë me motrën Rina dhe vëllain Gjin.
Këngëtarja 30-vjeçare publikoi një galeri fotografish nga arratisja familjare, ku shfaqet duke shijuar plazhin, ditët me diell dhe mbrëmjet në shoqërinë e familjarëve të saj.
Në disa prej fotografive, Dua tërhoqi vëmendjen me bikini të ndryshme, përfshirë një model me pika dhe një tjetër me print leopardi.
“Nuk ka verë pa prekur ishullin tim të preferuar të paktën një herë”, shkroi ajo në përshkrimin e postimit, duke iu referuar Formenterës, një destinacion që duket se ka një vend të veçantë për të.
Pushimet familjare vijnë pas një periudhe të rëndësishme për këngëtaren, e cila këtë verë u martua me aktorin Callum Turner.
Çifti zhvilloi ceremoninë ligjore në Londër, ndërsa më pas festoi me një dasmë luksoze në Palermo të Siçilisë. /Telegrafi/
