Ka vazhduar polemika e ashpër në Kuvendin e Kosovës ku po diskutohet çështja e arrestimit të drejtorit të KEK-ut, Nagip Krasniqi.
Deputeti i LDK-së, Driton Selmanaj, tha se është çuditur nga forma se si ministrja e Drejtësisë, Albulena Haxhiu, po e mbron Krasniqin.
Madje sipas tij, kjo tregon se nuk është larg as arrestimi i ministres.
“Mënyra qysh po e mbroni. Për besë nuk o larg me të pa prapa grilave edhe ty”, tha Selmanaj.
Më pas foli edhe deputeti Armend Zemaj, i cili ia përmendi disa afera Qeverisë Kurti duke kërkuar “ndihmë” nga ministrja për dorëzuar kallëzime penale.
E kjo shkaktoi reagimin e ministres Haxhiu.
“Qysh ka përfundu ai baxhanaku yt që e ka pasë një keqpërdorim…e din ti…u kanë edhe në media. Ka pasë edhe hetime”, tha ai.
