KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Ekonomi

Drejtoria e Bujqësisë në Rahovec viziton fermerin në Fortesë, prezantohen 12 hektarë kultura bujqësore

Drejtoria e Bujqësisë në Rahovec viziton fermerin në Fortesë, prezantohen 12 hektarë kultura bujqësore

Drejtoria për Bujqësi në Komunën e Rahovecit ka realizuar një vizitë në fshatin Fortesë, ku është takuar me fermerin Fetah Popaj, i cili është vlerësuar si një shembull i përkushtimit dhe suksesit në sektorin bujqësor.

Gjatë vizitës, stafi i drejtorisë është njoftuar nga afër me kulturat bujqësore që kultivohen në një sipërfaqe prej 12 hektarësh, përfshirë 3 hektarë qepë, 2 hektarë speca, 2 hektarë kunguj, 1.5 hektarë pjepër, 1.5 hektarë pemëtari dhe 1 hektar patate.

Nga Drejtoria për Bujqësi është theksuar se çdo arë e punuar dhe çdo prodhim i kultivuar përfaqëson përkushtimin dhe sakrificën e fermerëve, të cilët konsiderohen shtyllë e zhvillimit ekonomik dhe prodhimit vendor në komunë.

Po ashtu, është vlerësuar se suksesi i fermerëve si Fetah Popaj përbën motivim për vazhdimin e mbështetjes institucionale për sektorin e bujqësisë.

Drejtoria për Bujqësi në Rahovec ka theksuar se do të vazhdojë të jetë pranë fermerëve, duke synuar fuqizimin e prodhimit vendor dhe zhvillimin e qëndrueshëm të bujqësisë në komunë. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.