Yan Diomande ishte një nga protagonistët e fitores së Real Madridit ndaj Barcelonës, me rezultatin 2-1, në El Clásico të zhvilluar në “Camp Nou”.
Sulmuesi nga Bregu i Fildishtë zhvilloi një paraqitje të plotë, duke spikatur me shpejtësinë, driblimet dhe kontributin në të dy fazat e lojës.
Një nga momentet më të veçanta ishte driblimi i tij ndaj Lamine Yamalit, kur arriti të dilte nga presioni i disa lojtarëve të Barcelonës me një veprim teknik spektakolar.
Diomande ishte gjithashtu protagonist në aksionin që çoi te goli i parë i Kylian Mbappés, duke depërtuar nga krahu dhe duke krijuar rrezik për portën katalanase.
Paraqitja e tij merr rëndësi të veçantë edhe për shkak të mungesës së Vinicius Juniorit, pasi futbollisti nga Bregu i Fildishtë po dëshmon se mund të jetë një alternativë e rëndësishme në sulmin madrilen.
Në anën tjetër, Lamine Yamal nuk arriti të linte gjurmën e zakonshme në këtë përballje, ndërsa Reali shfrytëzoi rastet e tij për të marrë tri pikë të rëndësishme në garën për titullin e La Ligës. /Zëri