Delegacioni ukrainas ka mbërritur në Miami të Shteteve të Bashkuara për të zhvilluar bisedime me të dërguarit amerikanë Steve Witkoff dhe Jared Kushner, kanë bërë të ditur burime për agjencinë e lajmeve Reuters.
Sipas burimeve, në takime janë të pranishëm edhe përfaqësues evropianë, të cilët, sipas presidentit ukrainas Volodymyr Zelensky, do t’i bashkohen diskutimeve, transmeton Telegrafi.
Më herët ishte raportuar se Witkoff dhe Kushner do të shqyrtojnë ide të reja për t’i dhënë fund luftës së Rusisë kundër Ukrainës. Bisedimet pritet të përqendrohen në mundësitë për trajtimin e konfliktit dhe në hapa të mundshëm drejt një zgjidhjeje.
Delegacioni ukrainas pritet të përfshijë shefin e inteligjencës, Rustem Umerov, si dhe kreun e zyrës së presidentit Zelensky, Kyrylo Budanov.
Pjesëmarrja e përfaqësuesve ukrainas, amerikanë dhe evropianë vjen në kuadër të përpjekjeve për të diskutuar propozime të reja lidhur me luftën, megjithëse detaje të mëtejshme për agjendën dhe rezultatet e pritshme të takimit nuk janë bërë të ditura. /Telegrafi/