Pesë emisarët nga Shtetet e Bashkuara të Amerikës dhe Bashkimi Evropianë, tashmë kanë zbritur nga aeroplani i Qeverisë së Gjermanisë i cili i solli ata në Prishtinë për takime zyrtare.
Delegacioni Përfaqësues Special i Bashkimit Evropian për dialogun Kosovë-Serbi, Miroslav Lajçak, me këshilltarët për Politikë të Jashtme dhe Siguri të kancelarit gjerman, presidentit francez dhe kryeministres italiane, pas pak pritet të takohen me kryeministrin e vendit, Albin Kurti.
Takimi do të nis në ora 10:00, njofton Zyra e Kryeministrit.
Delegacioni do të përbëhet nga emisari special i ShBA-së për Ballkanin Perëndimor, Gabriel Esobar, i dërguari special i BE-së për dialogun Kosovë-Serbi, Miroslav Lajçak, këshilltari për politikë të jashtme dhe siguri i Gjermanisë, Jens Plettner, ai i Francës, Emmanuel Bonne dhe këshilltari për politikë të jashtme dhe siguri të kryeministrit të Italisë, Francesco Talo.
Po ashtu, pjesë e vizitës është edhe zëvendës ndihmës sekretari i Shteteve të Bashkuara të Amerikës për Çështje Evropiane dhe Euroaziatike dhe i dërguari i posaçëm i ShBA-së për Ballkanin Perëndimor, Gabriel Escobar.
Për këto vizita, ka folur edhe Këshilltari i Departamentit amerikan të Shtetit, Derek Chollet.
Sipas Chollet, ky është një moment i rëndësishëm dhe shfaq shpresën se do të ketë përparim në procesin e dialogut për normalizimin e marrëdhënieve ndërmjet Kosovës dhe Serbisë.