KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Teknologji

Del në shitje automjeti “që nuk njeh pengesa” – lëviz si në tokë, ashtu edhe në ujë

Del në shitje automjeti “që nuk njeh pengesa” – lëviz si në tokë, ashtu edhe në ujë

Një automjet i pazakontë Argo 8×8 Response XTV i vitit 1996 është nxjerrë në shitje në Michigan të SHBA-së, me një çmim prej 12,500 dollarësh.

Veçantia e tij është aftësia për të lëvizur si në tokë, ashtu edhe në ujë, falë tetë rrotave dhe një motori shtesë varke.

Automjeti është i pajisur me motor Briggs & Stratton Vanguard prej 627 cc, që prodhon 23 kuaj fuqi, ndërsa në pjesën e pasme ka një motor Mercury prej 6 kuajsh fuqi, i cili mundëson lëvizjen në ujë.

Sipas shitësit, automjeti është projektuar për të kaluar nëpër terrene të vështira, baltë, borë dhe sipërfaqe ujore.

“Me zinxhirët dhe motorin e varkës, ky automjet mund të shkojë kudo që dëshironi”, thuhet në shpalljen e shitjes.

Modeli ka tetë rrota që mund të pajisen me zinxhirë gome për të përmirësuar lëvizjen në terrene të buta, ndërsa konstrukti i tij i veçantë i mundëson të qëndrojë mbi ujë.

Shitësi pretendon se motori kryesor është riparuar së fundmi dhe se janë vendosur goma të reja e bateri e re.

Automjeti shitet me dokumentacion për qarkullim dhe regjistrim si mjet lundrues, sipas njoftimit të pronarit. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.