Mbrëmje e jashtëzakonshme në Ligën e Kampionëve, me shumë gola, përmbysje dhe rezultate befasuese. Paris Saint-Germain dhe Aston Villa festuan fitore të rëndësishme, ndërsa Porto dhe Borussia Dortmundi pësuan humbje.
Pas dramës së madhe në përballjen mes Romës dhe Real Madridit, spektakli vazhdoi edhe në ndeshjet e tjera të mbrëmjes.
Paris Saint-Germain mori një fitore të madhe në udhëtim ndaj Manchester Cityt, me rezultat 4-2. Skuadra franceze tregoi forcën e saj përballë një kundërshtari të nivelit të lartë, ndërsa portieri Gianluigi Donnarumma pati momente të mira dhe të vështira gjatë takimit.
Një tjetër paraqitje mbresëlënëse ishte ajo e Aston Villës, që shënoi plot gjashtë gola ndaj Fenerbahçes, duke regjistruar një fitore bindëse.
Edhe Real Betis pati arsye për të festuar, pasi triumfoi në një ndeshje me shumë emocione ndaj Portos. Fitore shënuan gjithashtu Shakhtari, Stuttgarti dhe Bodo/Glimti, ky i fundit duke mposhtur Borussia Dortmundin.
Kështu, mbrëmja evropiane u karakterizua nga një numër i madh golash dhe rezultate që konfirmuan se në këtë garë asnjë ndeshje nuk është e lehtë. /Zëri