Disa ushqime dhe artikuj të caktuar nuk rekomandohen të vendosen sipër frigoriferit për shkak të nxehtësisë, ventilimit dhe sigurisë në kuzhinë.
Pjesa e sipërme e frigoriferit përdoret shpesh si një sipërfaqe shtesë për ruajtje, por ekspertët paralajmërojnë se ky vend nuk është i përshtatshëm për shumë artikuj.
Frigoriferi lëshon nxehtësi dhe ka nevojë për ventilim të mirë, kështu që gjërat dhe ushqimet e lëna sipër tij mund të përkeqësohen më shpejt ose të paraqesin rrezik.
Foto ilustruese
Wendy Trunz, partnere dhe organizatore kryesore në ‘Jane’s Addiction Organization’, i thotë Good Housekeeping se frutat dhe perimet nuk duhen mbajtur në frigorifer.
“Frigorifer lëshon nxehtësi dhe ka nevojë për ventilim të mirë, dhe kjo nxehtësi mbi frigorifer do të bëjë që frutat dhe perimet të prishen më shpejt dhe mund të shkaktojë myk”, tha Trunz.
Rekomandohet që ushqime të tilla të mbahen në banak, në shporta ose në qilar, varësisht nga temperatura e kërkuar.
Buka dhe ëmbëlsirat gjithashtu nuk janë një zgjedhje e mirë sepse hapësira sipër frigoriferit mund të nxehet dhe të përshpejtojë prishjen.
Medikamentet dhe suplementet nuk duhet të ruhen atje sepse shumë prej tyre duhet të ruhen në një vend të freskët, të thatë dhe të errët, sipas udhëzimeve ose këshillave të një farmacisti.
Organizatorët gjithashtu nuk rekomandojnë produkte letre, bimë, libra gatimi dhe alkool.
Letra mund të mbledhë pluhur dhe yndyrë, bimët ujiten më vështirë dhe mund të thahen më shpejt, librat e gatimit mund të bllokojnë ventilimin ose të bien pas frigoriferit, ndërsa shishet e alkoolit përbëjnë një rrezik shtesë për shkak të nxehtësisë dhe mundësisë së rënies. /Telegrafi/