Kryetari i Komunës së Gjilanit, Alban Hyseni, ka njoftuar se çerdhja e re “Qarku 1”, në Lagjen 8 të qytetit, pritet të hapet së shpejti.
Hyseni ka bërë të ditur se gjatë ditës ka vizituar objektin e ri së bashku me ministrin e Arsimit, Shkencës, Teknologjisë dhe Inovacionit, Hajrulla Çeku.
Sipas tij, çerdhja do t’u ofrojë fëmijëve të kësaj lagjeje një hapësirë të sigurt dhe të përshtatshme për zhvillim dhe edukim.
Ndërkohë, punimet për ndërtimin e çerdheve të reja po zhvillohen edhe në lagjet “Arbëria” dhe “Fidanishte”, me synim zgjerimin e hapësirave për kujdesin dhe edukimin e fëmijëve në Gjilan. /Telegrafi/