Këshilltari federal i Zvicrës, Ignazio Cassis, gjatë vizitës së tij në Kosovë është pritur nga presidentja Justina Shiroka-Pula dhe ka zhvilluar një takim me kryeministrin Albin Kurti.
Lajmi është bërë i ditur nga Ambasada e Zvicrës në Kosovë, përmes një postimi në Facebook, ku janë paraqitur edhe temat kryesore të diskutimeve gjatë vizitës së zyrtarit të lartë zviceran, shkruan Telegrafi.
Sipas ambasadës, bisedimet u përqendruan në marrëdhëniet e afërta dypalëshe ndërmjet Zvicrës dhe Kosovës, sfidat rajonale, si dhe kryesimin e Zvicrës në Organizatën për Siguri dhe Bashkëpunim në Evropë (OSBE).
Në postimin e saj, ambasada thekson se Cassis ka nënvizuar rëndësinë që Zvicra u kushton operacioneve të OSBE-së në terren në të gjithë Ballkanin Perëndimor.
“Zvicra i kushton rëndësi të madhe operacioneve në terren të OSBE-së në të gjithë Ballkanin Perëndimor, si dhe stabilitetit dhe prosperitetit në rajon”, thuhet në postimin e Ambasadës së Zvicrës në Kosovë.
Vizita dhe takimet me krerët e institucioneve të Kosovës vijnë në kuadër të angazhimit të Zvicrës në rajon dhe të kryesimit të saj të OSBE-së, me theks të veçantë te stabiliteti dhe siguria në Ballkanin Perëndimor./Telegrafi/