Dani Carvajal nuk ka asnjë dyshim se Cristiano Ronaldo do ta arrijë shifrën historike prej 1.000 golash në karrierën e tij.
“Do të arrijë në 1.000 gola, pa dyshim. Dhe e meriton. Ai është shembull i disiplinës dhe këmbënguljes”, deklaroi ish-mbrojtësi i Real Madridit në një intervistë për AS.
Carvajal, i cili luajti përkrah portugezit në Madrid nga viti 2013 deri më 2018, kujtoi edhe mentalitetin e jashtëzakonshëm të CR7 para ndeshjeve të mëdha.
“Ma dërgo topin, unë do të jem aty”, ishte mesazhi që Ronaldo i përcillte para sfidave të rëndësishme të Ligës së Kampionëve.
Spanjolli e përshkroi portugezin si një “grabitqar të vërtetë në zonë”, duke theksuar se ata që nuk e kanë parë në kulmin e karrierës te Real Madridi, nuk e kuptojnë plotësisht madhështinë e tij. /Zëri