Gazetari Berat Buzhala, përmes një video ka folur në lidhje me vetëvrasjen e Dino Asanjat për të cilin Kurti në Kuvend, pa hezituar e quajti vrasje. Buzhala gjithashtu u ndal dhe te rasti “Dehari”, për të cilin shpjegimi i Vetëvendosjes vazhdon të mbetet se u vra në Qendrën e Paraburgimit, anipse procesi i hetimit të këtij rasti po përcillet me skandale të njëpasnjëshme.
Kryeministri Kurti, derisa “argumentonte” kundër Kryeprokurorit të Prokurorisë Speciale, Blerim Isufajt, për arrestimin e Drejtorit të KEK-ut, Nagip Krasniqi, nuk ngurroi ta “shpallte”, vrasje, vetëvrasjen e Asanajt.
Gazetari Buzhala, duke e njohur personalist të ndjerin Asanaj, i tregon Kurtit se përveq smundjeve fizike, ekzistojnë edhe disa sëmundje të tjera, e që lidhen me shëndetin mendor, siç janë depresioni e ankthi, që zakonisht qojnë në këso veperiesh irracionale, siç është vetëvrasja.
Madje Buzhala përmend edhe raporte të FBI-së, të cilët u angazhuan për zbardhjen e vetëvrasjes së Asanajt, e që konkluzioni doli se i ndjeri ishte vetëvrarë.
“Raporti i Kurit me vrasjen është monstruoz. Varësisht prej qëllimeve politike që i ka ai sillet si mjek ligjor, si prokuror e si gjyqtar. Ai me një fjalim të vetëm në Kuvend “i zbardhi” dy vdekje. Pa kurfarë ekspertize, pa kurfarë respekti ndaj familjarëve të të ndjerëve. Po i njejti njeri, pra Albin Kurti, që ditën e vdekjes së Astrit Deharit në burg, e shpalli të vrarë atë, pa kurfarë konsideratë për familjen e Astrit.” – ka thënë Buzhala, duke shtuar se Kurti më nuk po dëshiron të flas për rastin “Dehari”, pasi i kanë humb provat, e pastaj i kanë gjetur vetëm disa nga to.
“Qeveria e Kosovës, kur ka ndodhur vetëvrasja e Dino Asanajt, meqë Ai ka qenë shtetas amerikan, e ka ftuar FBI-në që ta hetoj këtë ngjarje. Mirëpo mënyra e kryerjes së saj ishte e pazakonshme, por literature na tregon se janë kryer vetëvrasje edhe më të pazakonta se kaq. Pas zhvarrosjes së z. Asanajt e analizave mjekësore, e jo politike sikur të Kurtit, është konstatur se nuk kemi të bëjmë me vrasje, siç thotë tash Albin Kurti.”- është shprehur Buzhala.
Video e plotë:
