Rafael Benitez beson se Andoni Iraola ka cilësitë për të pasur sukses te Liverpooli, por këmbëngul se spanjollit do t’i duhet kohë për ta zbatuar plotësisht vizionin e tij në Anfield.
Ish-trajneri i Liverpoolit vlerësoi përpjekjet e Iraolës për të ndërtuar marrëdhënie me lojtarët dhe tifozët, duke theksuar rëndësinë e durimit ndërsa skuadra përshtatet me metodat e tij.
“Mund të shoh dikë që ka një ide dhe vizion të qartë. Mund të shoh potencial të madh sepse ai po punon shumë dhe po përpiqet të kuptojë gjithçka… kështu që mendoj se do të bëjë mirë, por me siguri do t’i duhet pak kohë”, ka thënë Benitez për talkSPORT.
Liverpooli ka treguar progres inkurajues nën drejtimin e trajnerit të ri, duke mbetur konkurrues në Ligën Premier dhe të pamposhtur në Ligën e Kampionëve.
Prandaj, Benitez beson se themelet janë aty që Iraola të arrijë sukses. /Telegrafi/