Bayern Munich është rikthyer te fitoret në Ligën e Kampionëve, pasi ka mposhtur Sporting Lisbonën me rezultat 3-1.
Bavarezët e nisët mirë ndeshjen duke shënuar gol me Karl në minutën e gjashtë, por që u anulua për pozitë jashtë loje.
Gola nuk pati në pjesën e parë dhe 45 minutat e para të kësaj ndeshje u mbyllën baras 0-0.
Ishin mysafirët që e nisën mirë pjesën e dytë, kur pas një kundërsulmi të shpejtë, Simoes harkoi në zonë dhe Joshua Kimmich realizoi autogol për epërsinë e mysafirëve 0-1.
Megjithatë epërsia e mysafirëve nuk zgjati më shumë se 11 minuta, kur Serge Gnabry barazoi shifrat në 1-1 duke realizuar nga afërsia.
Katër minuta më vonë, talenti i madh Karl shënoi për epërsinë e Bavarezëve 2-1.
E në minutën e 77-të tëndeshjes, Jonathan Tah u gjend bukur në zonë dhe shënoi nga afërsia pas asistimit nga Gnabry për rezultatin përfundimtar 3-1.
Me këtë fitore, Bayerni rikthehet në pozitën e dytë me 15 pikë, sa ka edhe Arsenali në pozitën e parë, por që ka një ndeshje më pak të zhvilluar. /Telegrafi/