Barcelona e ka një armë të veçantë këtë sezon: golat që shënon në minutat e para të ndeshjeve. Skuadra e Hansi Flick është shndërruar në specialiste të nisjeve të furishme, duke i befasuar kundërshtarët që në fillim të takimeve.
Sipas statistikave të publikuara nga “Marca”, katalunasit kanë shënuar para minutës së 10-të në tetë nga 15 ndeshjet e zhvilluara këtë sezon në La Liga dhe Ligën e Kampionëve.
Anthony Gordon realizoi golin më të shpejtë, në minutën e dytë ndaj Getafes, ndërsa Raphinha shënoi në minutën e tretë kundër Feyenoordit.
Në këtë listë janë edhe Lamine Yamal, me golat ndaj Valencias, Aston Villas dhe në ndeshjen ndaj Levantes, si dhe Xavi Espart, Cancelo e Raphinha.
Kjo tregon se rreziku për kundërshtarët e Barcelonës vjen nga disa futbollistë dhe jo vetëm nga një individ.
Një tjetër statistikë interesante është se Barcelona vetëm në dy ndeshje është dashur të presë pjesën e dytë për të shënuar golin e parë.
Këto ishin pikërisht përballjet ndaj PSG-së dhe Real Madridit, dy ndeshjet e vetme që katalunasit i kanë humbur këtë sezon.
Tani, në shënjestër është Atletico Madridi. Të dielën, në stadiumin “Metropolitano”, skuadra e Diego Simeones do të përballet me sulmin më të frikshëm në kampionat, ndërsa një nisje e ngadaltë mund t’i kushtojë shtrenjtë vendasve. /Zëri