KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

“Babi të lutem mos më qëllo”, burri vret gruan dhe tre fëmijët e mitur në Florida

“Babi të lutem mos më qëllo”, burri vret gruan dhe tre fëmijët e mitur në Florida

Një ngjarje e rëndë ka tronditur Floridan në SHBA, ku një 34-vjeçar ka vrarë bashkëshorten dhe tre fëmijët e tyre të mitur, përpara se të kthente armën drejt vetes.

Autori i dyshuar është identifikuar si Isaac Luechtefeld, 34 vjeç, me profesion mekanik. Ai dyshohet se qëlloi për vdekje bashkëshorten e tij, Raquel, 34 vjeçe, me të cilën ishte i martuar prej 14 vitesh, si dhe tre fëmijët e tyre: Enoch, 5 vjeç, Hannah, 3 vjeçe dhe Job, vetëm 1 vjeç, raporton The Mirror, transmeton IndeksOnline.

Ngjarja tragjike ndodhi në banesën e familjes, vetëm pak ditë pasi çifti kishte kaluar një mbrëmje romantike së bashku.

Sipas raportimeve të mediave të huaja, momentet e tmerrshme u dëgjuan edhe gjatë një telefonate në numrin e emergjencës 911. Telefonata u regjistrua pak para orës 15:30 dhe mbeti e hapur, duke bërë që operatori të dëgjonte atë që po ndodhte brenda banesës.

Në regjistrim, sipas raportimeve, dëgjohet një fëmijë duke iu lutur të atit: “Babi, të lutem mos më qëllo, babi, të lutem mos më vrit!”, përpara se të dëgjohej një tjetër krismë arme.

Gjatë telefonatës, 34-vjeçari dëgjohet gjithashtu duke thënë: “Më fal…”, përpara se të qëllonte me armë.

Në vendngjarje mbërritën forcat e policisë rreth 10 minuta pas telefonatës, por ishte tepër vonë. Të pesë anëtarët e familjes u gjetën të pajetë brenda shtëpisë.

Motër e viktimës, Rebecca Uribe, ka treguar për mediat se asgjë nuk kishte lënë të kuptohej se familja do të përballej me një tragjedi të tillë.

“Ata kishin dalë në një takim romantik të hënën. Nëna ime ishte kujdesur për fëmijët, të cilët kishin kaluar natën në shtëpinë e saj. Gjithçka dukej në rregull”, është shprehur ajo.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.