Thomas Markle, babai i Meghan-it, dukeshës së Sussex-it, ka dalë para gjykatës pasi është akuzuar për posedim të materialeve që përmbajnë abuzim seksual të fëmijëve.
Markle u arrestua në Florida mëngjesin e sotëm, pasi FBI-ja kontrolloi dy ambiente magazinimi në zonën e Los Anxhelosit, të cilat ai i kishte marrë me qira për gati 20 vjet, shkruan BBC.
Më herët, Markle i ka mohuar akuzat për posedim të imazheve të abuzimit seksual të fëmijëve, duke i quajtur ato “gënjeshtra të sëmura”.
Meghan nuk ka pasur kontakt me babanë e saj që nga viti 2018.
Në një deklaratë të bërë muajin e kaluar, bashkëshortja e Princit Harry u shpreh: “Jam thellësisht e tronditur… mendimet e mia janë me çdo fëmijë që mund të jetë dëmtuar”.
Ajo shtoi se shpreson që të kuptohet arsyeja pse i ka ndërprerë në masë të madhe kontaktet me babanë e saj.