KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

AUV-i nis monitorimin e përhershëm të sektorit të qumështit, do të bëhen analiza çdo muaj

AUV-i nis monitorimin e përhershëm të sektorit të qumështit, do të bëhen analiza çdo muaj

Agjencia e Ushqimit dhe Veterinarisë (AUV), ka nisur zbatimin e Programit të Përhershëm të Survejimit dhe Monitorimit të Sektorit të Qumështit, në bashkëpunim me Shoqatën e Prodhuesve të Qumështit.

Sipas AUV-së, programi parasheh kontrolle të rregullta dhe marrjen e mostrave në të gjitha hallkat e zinxhirit të qumështit, nga ushqimi për kafshë dhe prodhimi në ferma, deri te përpunimi, importi dhe shitja e produkteve.

Në kuadër të programit, çdo muaj do të realizohen analiza laboratorike për të kontrolluar përbërjen, cilësinë dhe sigurinë e qumështit dhe produkteve të tij, përfshirë praninë e aflatoksinave, mbetjeve të antibiotikëve, vajit të palmës, qumështit pluhur dhe baktereve të dëmshme.

Monitorimi do të përfshijë si produktet vendore, ashtu edhe ato të importuara.

AUV-ja ka bërë të ditur se në rastet kur konstatohen shkelje, do të ndërmerren masa ligjore, përfshirë ndalimin e tregtimit dhe tërheqjen e produkteve që nuk i përmbushin standardet.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.