Pesë kilometra rrugë në fshatin Llaz të Pejës po asfaltohen, në kuadër të investimeve në infrastrukturën rrugore të kësaj komune.
Lajmin e ka bërë të ditur kryetari i Komunës së Pejës, Gazmend Muhaxheri, përmes një postimi në rrjetet sociale.
Projekti synon përmirësimin e infrastrukturës rrugore në fshatin Llaz, duke krijuar kushte më të mira për qarkullimin e automjeteve dhe lëvizjen e banorëve.
Asfaltimi i rrugëve pritet të lehtësojë qasjen e banorëve në pjesë të ndryshme të fshatit, si dhe të kontribuojë në përmirësimin e kushteve të jetesës për komunitetin lokal. /Telegrafi/
Burimi: telegrafi.com ↗