Pedro Pascal tregoi se si iu desh të përsoste një aftësi të re artistike për rolin e tij të fundit, i cili është të luajë në violonçel.
Paskali së shpejti do të shfaqet në “Behemoth” si një violonçelist i talentuar që kthehet në Los Angeles për të rindërtuar jetën e tij.
Përpara premierës botërore të filmit në Festivalin e Filmit në Nju Jork, Pascal iu bashkua regjisorit Tony Gilroy, si dhe aktorëve të tjerë. Kur u pyet se çfarë e surprizoi më shumë gjatë mësimit të violonçelit për rolin e tij, Pascal pranoi se ishte një proces i vështirë.
“Duhej të mbaje mend se përveç violonçelit në vetvete, kishte edhe një personazh të vërtetë për të luajtur në atë histori. Violonçeli ishte personazhi kryesor i jetës sime për disa javë para xhirimeve. E mbaja me vete kudo që shkoja. Çdo gjë më habiti, ishte ferr dhe parajsë. Ishte e pabesueshme të inkurajohesha nga sfida fizike dhe preciziteti që shkonte me të”, tha ai.
– YouTube youtu.be
Paskali përshkroi se zakonisht duhet deri në një vit për të mbajtur siç duhet një hark, por për shkak të nevojave të prodhimit, atyre iu desh ta përshpejtonin këtë proces, kështu që ai e mësoi atë brenda shtatë ditësh.
“Nuk e zotërova kurrë plotësisht, gjë që është pjesë e magjisë. Ishte një kënaqësi e vërtetë, por edhe detyra më e vështirë krijuese që kam pasur ndonjëherë për një rol”, tha ai.
Pascal tha më parë se pas leximit të parë të skenarit, nuk ishte i sigurt nëse mund ta pranonte rolin. Ai tha se e gjeti sfiduese në një mënyrë pozitive për shkak të natyrës jolineare të historisë. /Telegrafi/