Aktivistet feministe hyjnë në eventin ku është edhe Kurti, mbrojtja e afërt dhe organizatorët i detyrojnë të largohen

Aktivistet nga Kolektivi Për Mendim dhe Veprim Feminist u obliguan të largohen nga Salla e Kuqe e Pallatit të Rinisë.

Kjo për shkak se aty ishte i pranishëm kryeministri Albin Kurti dhe aktivistet planifikonin të flisnin me të, shkruan IndeksOnline.

Pjesëtarë të mbrojtjes së afërt të kryeministrit dhe organizatorët të eventit i obliguan ato të largoheshin nga salla.

Kurti u bë pjesë e edicionit të 13-të të Doku Tech, teksa aktivistet arritën në Pallatin e Rinisë pas një aktiviteti përpara Këshillit Prokurorial të Kosovës.

Tash e disa ditë, ato po protestojnë duke kërkuar drejtësi për Arlinda Zekajn dhe të gjitha gratë e vrara në Kosovë.