Xhudisti kosovar Akil Gjakova është mposhtur në çerekfinale të Grand Slamit në Abu Dhabi, në kategorinë deri në 73 kilogramë.
Gjakova në këtë fazë të garës u përball me xhudistin nga Azerbajxhani, Hidayat Heydarov, ndaj të cilit nuk arriti të triumfojë, duke humbur kështu mundësinë për t’u kualifikuar në gjysmëfinale.
Megjithatë, gara për xhudistin kosovar nuk ka përfunduar ende. Akil Gjakova do të vazhdojë në repesazh, ku do të ketë mundësinë të luftojë për medaljen e bronztë në këtë turne prestigjioz.
Kujtojmë se Gjakova e nisi garën me pushim në raundin e parë, ndërsa në raundin e dytë mposhti izraelitin Ohad Moritz. Në rundin e tretë, ai triumfoi ndaj Makhmadbek Makhmadbekovit nga Emiratet e Bashkuara Arabe, duke siguruar kualifikimin në çerekfinale.
Tashmë, synimi i tij mbetet rikthimi te fitoret në repesazh dhe lufta për një medalje në Grand Slamin e Abu Dhabit.