Kryetari i LDK-së, Lumir Abdixhiku ka thënë se kryeministri Albin Kurti ka shkelur parimet e tij me ardhjen në pushtet.
Në një intervistë për emisionin DPT te Fidan Jupolli, Abdixhiku ka thënë se Kurti ka sjell diçka tjetër nga ajo që e ka premtuar.
“Është shumë i dobët në aspektin negociues, sepse ka prezantuar krejt diçka tjetër dhe ka ardhë me rezultat tjetër. Në gusht të 2022 i ka prezantu 6 parime të dialogut të tij, asnjëra nuk ekziston”, ka thënë Abdixhiku.
Ai ka deklaruar se nuk është me rëndësi fati politik i Kurtit në rast të marrëveshjeve që janë kundër asaj që ai ka shtyrë përpara në opozitë.
Abdixhiku ka thënë se është me rëndësi e ardhmja e gjeneratave të reja.
“Unë po them që mos-paragjykimi i statusit politik të Kosovës… refuzimi i tij do ta bënte më pro-amerikan por edhe më shtetar. Dhe do ta bënte edhe më pak të dëmshëm për gjeneratat që po vijnë sepse ju po brengoseni shumë se çfarë ndodh me Kurtin, nuk është brengë se çfarë ndodh me Kurtin. Nuk është me rëndësi se çfarë bënë ai” ka deklaruar ai
