Ish-banorja e Big Brother VIP Kosova 2, Santiana Maloku, e njohur për aktivitetin e saj të vazhdueshëm në rrjetet sociale, ka tërhequr sërish vëmendjen e ndjekësve me një postim të fundit.
Sot (e mërkurë) ka publikuar një thënie reflektive, e cila duket se ka një ton paksa thumbues, edhe pse ajo nuk ka treguar se kujt i është drejtuar.
“Mosmirënjohja s’është mungesë kujtese, është mungesë zemre”, ka shkruar ajo.
Foto: Instagram
Ky mesazh ka shkaktuar reagime të ndryshme nga ndjekësit, të cilët kanë komentuar duke u shprehur se fjalët e Santianës mund të jenë një mesazh për dikë në jetën e saj personale ose thjesht një reflektim mbi marrëdhëniet njerëzore.
Maloku njihet për postimet e saj të hapura dhe të sinqerta, duke ndarë shpesh mendime, përvoja personale dhe mesazhe motivuese me ndjekësit e saj.
Ky postim i fundit duket se është një tjetër mënyrë për të shprehur mendimet e saj mbi vlerësimin, respektin dhe ndjenjat që njerëzit duhet të kenë ndaj njëri-tjetrit. /Telegrafi/