KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Ekonomi

Sali: Integrimi evropian duhet të përkthehet në shërbime konkrete digjitale për qytetarët

Sali: Integrimi evropian duhet të përkthehet në shërbime konkrete digjitale për qytetarët

Zëvendëskryeministri i Parë dhe Ministri për Çështje Evropiane, Bekim Sali, mori pjesë në një diskutim të dedikuar për transformimin digjital dhe mbështetjen e komunave në procesin e integrimit evropian.

Në fjalimin e tij, ministri Sali theksoi se integrimi evropian duhet të bëhet i dukshëm për qytetarët përmes shërbimeve konkrete, funksionale dhe të qasshme në nivel lokal.

“Prioriteti ynë është të përkthejmë politikat evropiane – nga acquis, Agjenda e Reformave dhe programet IPA – në zgjidhje praktike digjitale për komunat, si lejet elektronike, planifikimi urban digjital, sistemet tatimore lokale dhe shërbimet për mjedisin”, deklaroi Sali.

Ai shtoi se Ministria po punon drejt krijimit të një arkitekture të standardizuar digjitale, që do të sigurojë sisteme ndërvepruese, platforma të përbashkëta dhe përputhje me standardet evropiane, duke shmangur fragmentimin dhe duke ulur kostot.

Sa i përket mbështetjes për komunat, ministri theksoi mekanizma konkretë si asistenca teknike përmes IPA, thjeshtimi i procedurave dhe zhvillimi i platformave këshilluese dhe koordinuese.

“Qëllimi është i qartë – të mbyllim hendekun ndërmjet ideve dhe zbatimit dhe të sigurojmë që projektet të shndërrohen në shërbime reale për qytetarët dhe bizneset,” theksoi Sali.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.