Ish-presidentja e Kosovës, Vjosa Osmani, ka bërë të ditur se Arjeta Musliu do t’i bashkohet rrugëtimit të saj politik, duke njoftuar se ajo do të jetë kandidate për deputete.
Osmani, përmes një postimi në Facebook, e ka vlerësuar Musliun për angazhimin e saj kundër varësisë nga substancat narkotike, duke thënë se “historia e saj nuk u formësua nga politika, por nga dhimbja”, të cilën ajo e ka shndërruar në mision “për të shpëtuar jetë” dhe për t’u dhënë zë familjeve që përballen me këtë problem.
Ajo ka kujtuar gjithashtu se në vitin 2021 e kishte dekoruar Musliun me Urdhrin Presidencial “Shote Galica”, duke shtuar se Musliu “do të jetë zëri i kësaj kauze në Kuvendin e Kosovës”.
Osmani ka theksuar se Musliu e ka kthyer një histori personale dhimbjeje në forcë dhe mision për të ndihmuar familjet që përballen me varësinë nga substancat narkotike dhe për t’u rikthyer shpresën të rinjve që kanë nevojë për mbështetje.