Presidentja e Gordana Siljanovska-Davkova po qëndron për vizitë pune në Republika e Armenisë, ku po merr pjesë në Samitin e 8-të të Bashkësisë Politike Evropiane, i cili këtë vit po mbahet në Erevan.
Samiti zhvillohet nën moton “Duke ndërtuar të ardhmen: unitet dhe qëndrueshmëri në Evropë”, ndërsa pritet të mbledhë liderë të shumtë evropianë për të diskutuar mbi sfidat aktuale politike, sigurinë, bashkëpunimin ekonomik dhe perspektivat e integrimit evropian.
Sipas njoftimeve zyrtare, gjatë qëndrimit në Erevan, presidentja Siljanovska-Davkova do të zhvillojë një sërë takimesh bilaterale me homologë dhe përfaqësues të lartë të vendeve pjesëmarrëse, me fokus forcimin e marrëdhënieve ndërkombëtare dhe avancimin e bashkëpunimit rajonal.
Pjesëmarrja në këtë samit konsiderohet një mundësi e rëndësishme për promovimin e prioriteteve strategjike të vendit dhe për thellimin e dialogut politik në nivel evropian, në një kohë kur kontinenti përballet me sfida të shumta gjeopolitike dhe ekonomike.