Reperi amerikan, Offset, është rikthyer në skenë vetëm gjashtë ditë pasi u plagos në një incident me armë zjarri në Florida.
Sipas raportimeve, ngjarja ndodhi jashtë një hoteli dhe kazinoje “Seminole Hard Rock”.
Pas marrjes së ndihmës mjekësore dhe një qëndrimi të shkurtër në spital, ai vendosi të vazhdojë angazhimet e tij muzikore.
Foto: YouTube
Vetëm pak orë pas daljes nga spitali, Offset u ngjit në skenë në festivalin studentor “Rowfest” në Universitetin e Arkansasit.
Ai fillimisht doli në skenë me karrocë, por më pas u ngrit dhe performoi në këmbë për publikun, duke interpretuar disa nga hitet e tij më të njohura, përfshirë edhe “Bad and Boujee” nga koha e grupit Migos.
Më vonë, ndau në rrjete sociale foto dhe video, duke falënderuar fansat për mbështetjen dhe duke theksuar se është në proces rikuperimi, por i fokusuar te familja dhe muzika.
Në mesazhet e tij shprehu mirënjohje dhe besim se do të rikthehet plotësisht në formë.
– YouTube youtube.com
Ndërkohë, policia ka bërë të ditur se në lidhje me incidentin është marrë në pyetje edhe reperi Lil Tjay, i cili ka mohuar çdo përfshirje.
Hetimet për rastin po vazhdojnë. /Telegrafi/