Ia djegin veturat në Zvicër, reagon Mozzik: Janë shkaktuar dëme të mëdha, është një bandë nga Franca

Reperi, Mozzik, ka njoftuar se biznesi i tij në Zvicër është goditur nga një sulm, ku janë dëmtuar disa automjete.

Në një reagim në rrjetet sociale, ai ka thënë se garazhi i tij është sulmuar me benzinë dhe se disa vetura janë përfshirë nga flakët si pasojë e incidentit.

Sipas tij, ngjarja është kryer nga një grup personash që ai i ka përshkruar si “bandë nga Franca”.

Lajmi është bërë publik nga vetë artisti në Instagram, ndërsa deri tani nuk ka ende informacion zyrtar lidhur me rastin apo reagime nga autoritetet. /Telegrafi/

Mozzik/InstaStory