Costa Brava, Spanjë – MIC Tournament, një nga turnetë më të mëdhenj ndërkombëtarë për grupmoshat e reja, ka mbledhur këtë vit mbi 400 ekipe dhe më shumë se 10,000 lojtarë nga klubet më të njohura botërore.
Në këtë kompeticion të nivelit të lartë, talenti nga Kosova, Gerti Behxheti, ka arritur një sukses të jashtëzakonshëm duke siguruar një vend në gjysmëfinale dhe duke u renditur mes katër ekipeve më të mira të turneut.
Kjo arritje konsiderohet e veçantë për moshën e tij dhe përfaqëson një hap të madh në zhvillimin e tij sportiv, duke dëshmuar përkushtim, cilësi dhe potencial të lartë në një konkurrencë ndërkombëtare.
Përfaqësimi në këtë nivel dhe avancimi deri në këtë fazë është një moment krenarie jo vetëm për lojtarin dhe familjen e tij, por edhe për futbollin e Kosovës në përgjithësi.
Gerti Behxheti vazhdon garën në fazën gjysmëfinale, me synimin për të shkruar histori të mëtejshme në këtë turne prestigjioz./Telegrafi/